Novitads

NOSSA FOTOTECA

Il Bogn da Peiden l’entschatta dal 20avel tschientaner(Fotografia: C. Meisser)

Novitads

Nov fascichel dubel

Fascichel dubel 193/194

L’october 2020 è cumparì il fascichel dubel 193/194 dal DRG cun la seria da MINECLA fin MIRAR I.

Quest fascichel cumenza cun artitgels per amatur*as da la geologia, numnadamain cun invistas en ils MINERALs e la scienzia da la MINERALOGIA – per lura far in sigl andetg vi tar il sexy MINI(jupe). Pli serius èsi lura en l’artitgel MINISTER I cun l’analisa da differentas funcziuns religiusas e politicas che portan quest titel. Però savevas vus che era la corda la l’umbli porta il num MINISTER? Ussa savais.

E tge èsi cun quel che è «rutino fin sü suot il mintun»? Quella persuna (putera) ha blera experientscha ed è rutinada en tuts reguards. Dapli en l’artitgel MINTUN, tranter auter era cun ina charta da derasaziun per las differentas expressiuns per questa part dal corp giudim la fatscha: baditschun, gruogn, barboz, bech, misun ed apunta: mintun. Suenter ulteriurs artitgels MINUZIUS (era quel tutga en questa seria) terminescha il fascichel cun in lung artitgel: MIRAR. Perquai: «Buca mirei ils nibels!» Vul dir: Betg perdai temp e prendai enta maun il DRG. I dat plain MIRACULS da scuvrir en la lingua rumantscha.

Il nov fascichel pudais Vus retrair en nossa butia online.
Fascichel dubel 193/194