Ils 20 da november ha noss redactur Ursin Lutz absolvì cun fitg bun success la defensiun da sia dissertaziun a l’Universitad da Friburg. La lavur da doctorat, fatga tar prof. dr. Georges Darms, ha il titel «das Meum Scret des Balthasar Gioseph de Vincenz (1789-1858). Kritische Edition, Glossar und Erläuterungen». Igl è la publicaziun dad in manuscrit dal colonel numnà, oriund da Siat e stà en servetsch militar en Spagna. Nus gratulain cordialmain a noss redactur!