Novitads

NOSSA FOTOTECA

Trin cun il chastè sin il Crap Sogn Barcazi(Fotografia: W. Derichsweiler)

Novitads

La Romanica Rætica è online

La Romanica Rætica è online

Grazia ad ina collavuraziun cun la biblioteca da la Scola politecnica federala da Turitg è nossa retscha scientifica «Romanica Rætica» accessibla online sin la plattafurma e‑periodica.ch. Quai lubescha da sfegliar ils singuls toms vid il monitur e da tschertgar a moda svelta expressiuns specificas.
Ediziuns novas èn mintgamai accessiblas ca. 1 onn suenter la publicaziun dal stampat. Uschia po il nov tom 23 vegnir consultà online a partir dal 2022.
Dal reminent, era las «Annalas da la Societad Retorumantscha» èn dapi il 2012 disponiblas sin questa plattafurma.

Ils singuls toms da la Romanica Rætica pon vegnir cumprads vinavant en furma stampada en nossa butia. Là po la retscha era vegnir abunada.