Institut

NOSSA FOTOTECA

Chasa pravenda e chasa da scola veglia a Flerden(Fotografia: W. Zeller)

Novitads

«Forschung live» – en il Grischun

Sonda, ils 20 da zercladur 2015, ha lieu a Tavau il festival da las scienzas «Forschung live – in Graubünden». Quest event preschenta il vast spectrum da la perscrutaziun en il Grischun. Era da la partida è l’Institut dal DRG sco commember da l’Academia Rætica che promova la scienza e la perscrutaziun en il Grischun.

Il festival ha lieu en las localitads da la Scola media alpina a Tavau. L’Institut dal DRG emprova da dar in’invista en la perscrutaziun da la lingua, surtut en quella dals nums locals – quai cun agid dad in gieu da memory (ed era cun svutrar en cudeschs da nums). Punct da partenza en il gieu è la dumonda: «Tge muntan insumma quests nums?». Il gieu cun ils nums e la discussiun sur da nums ha lieu durant l’entir di en la mediateca da la Scola media.

Cun la turnea «Forschung live» en l’entira Svizra festivescha l’Academia da las scienzas natiralas Svizra (SCNAT) l’onn 2015 ses giubileum da 200 onns. Dal zercladur fin l’october 2015 van trais installaziuns interactivas sin viadi tras la Svizra. Organisaziuns partenarias organiseschan en ils lieus da fermada in program accumpagnant per pitschen e grond. L’organisaziun responsabla en il Grischun è la Graduate School Graubünden. Il festival a Tavau è punct da partenza per ina retscha dad arranschaments en l’entir Grischun che tractan dal zercladur fin il december 2015 tematicas da las scienzas natiralas.

Dapli infurmaziuns sin www.forschung-live.ch e www.gsgr.ch.

enavos