Institut

NOSSA FOTOTECA

Zernez – hotel Il fuorn en il Parc naziunal cun vista sin il Piz Nair(Fotografia: C. Meisser)

Novitads

Publicaziun da la Romanica Rætica 22

B. G. de Vincenz (1789–1858) ha passentau ils onns 1805–1835 en Spagna sco mercenari tier ils regiments svizzers, nua ch’el ha fatg carriera militara.

Ils onns 1817/1818 ha el priu la decisiun da fundar ina colonia grischuna en Spagna. Plinavon ha el organisau per in pader da Mustér in viadi da collecta en Spagna cugl intent da rimnar daners per la claustra. Omisdus projects han fatg naufragi.

Suenter siu retuorn ord Spagna ha Vincenz redigiu il Meum Scret. En quella ovra autodefensiva relata el dils onns en Spagna e presenta ils motivs da siu naufragi.

Il Meum Scret ei redigius en sursilvan cun ina ferm’influenza neu dil spagnol. La presenta lavur interquera sper ils fenomens da quei contact linguistic ulteriuras atgnadads linguisticas documentadas en quei manuscret.

Ultra dall’emprema ediziun cumpleta dil Meum Scret ed in vast glossari cuntegn la lavur explicaziuns davart las circumstanzas da redacziun dil Meum Scret e tschenta quel en in context historic pli general.

Quell’ovra ei la dissertaziun stampada da nies redactur Ursin Lutz. Ella sa vegnir empustada naven dad immediat cheu.

enavos