En las «Annalas», l’annuari da la Societad Retorumantscha che cumpara dapi il 1886, chatt’ins ina vasta paletta da tractats scientifics e scientific-populars davart la lingua e la cultura rumantscha. L’annuari vala anc oz sco impurtant organ per l’ediziun da texts rumantschs pli vegls.

Il tom 136 da las Annalas da la Societad Retorumantscha è deditgà al VIIIavel Colloqui retoromanistic ch’è vegnì organisà dals 8 als 11 da zercladur 2022 a Curaglia en Val Medel. El cuntegna ina buna part dals referats ch’èn vegnids tegnids en quel rom en versiun surlavurada sco artitgels.