Fototeca

Purschida

NOSSA FOTOTECA

L’ospizi dals chaputschins a Salouf(Fotografia: W. Zeller)

L’archiv da maletgs da l’Institut dal DRG cumpiglia 37 000 fotografias, dissegns e skizzas

Essend ch’il DRG è in’ovra illustrada cuntegnend ultra dals artitgels lexicals era da quels enciclopedics, han ins stuì rimnar da bell’entschatta era material illustrativ (cunzunt da la cultura purila ed artisanala d’antruras). Plinavant ha il DRG era pudì surpigliar bleras fotografias: uschia per sumeglia las collecziuns da Walram Derichsweiler e da Christian Meisser cun maletgs dals emprims decennis dal 20avel tschientaner. Medemamain ertà è il material original davart la perscrutaziun da la chasa purila en il Grischun conservà en singulas mappas. Quellas cuntegnan vegl material illustrativ da tut las vischnancas grischunas per part anc inedì.

La fototeca dal DRG è er accessibla online.

Ella cumpiglia ca. 37 000 fotografias, dissegns e skizzas da las sequentas collecziuns:

Collecziun DRG

Inventari: ca. 8 000 fotografias e skizzas

Collecziun Meisser

La collecziun Meisser, dal bab Christian Ferdinand Meisser (1863–1929) e dal figl Hans Leonhard Meisser (1889–1970), cumpiglia cunzunt fotografias da vitgs e cuntradas dal Grischun, Tessin e Vallais, sco era da la Svizra centrala. Era singulas fotografias d’edifizis e lur interiur fan part da la collecziun.

Inventari: ca. 11 000 fotografias

Collecziun Derichsweiler

Ils originals da Walram Derichsweiler (1872–1936) èn motivs fotografics fatgs en la Surselva dal 1910 enfin il 1930. El ha cunzunt fotografà cuntradas alpinas, pizza, vitg e lur glieud.

Inventari: ca. 2 000 plattas da vaider

Collecziun Protecziun da la patria

L’Associaziun per la protecziun da la patria ha documentà ils onns 1940 sut la direcziun da l’architect Iachen Ulrich Könz (1899–1980) edifizis ord 13 vischnancas.

Inventari: ca. 800 fotografias

Collecziun Bauernhaus

Inventari: ca. 7 000 fotografias

Collecziun Zeller

Inventari: ca. 1 500 fotografias

Collecziun Maissen

La collecziun cumpiglia in vast spectrum tematic cun in accent sin fotografias da la Surselva. Alfons Maissen (1905–2003) ha fotografà edifizis, utensils e process da lavur. Da singuls temas sco la construcziun d’ina stalla, l’eriger in chischner e las lavurs da chanastrer, tretscher e stgalprapipas existan entiras retschas da fotografias.

Inventari: 5 000 fotografias e negativs