Institut

NOSSA FOTOTECA

Zernez – hotel Il fuorn en il Parc naziunal cun vista sin il Piz Nair(Fotografia: C. Meisser)

Incumbensa da prestaziun

L’Institut dal DRG perscrutescha e documentescha la lingua e la cultura retorumantscha

La Societad Retorumantscha è la purtadra da l’Institut dal Dicziunari Rumantsch Grischun ed ademplescha l’incumbensa naziunala, l’ediziun dal vocabulari scientific per l’intschess retorumantsch, tenor ils duairs formulads da l’Academia svizra da scienzas umanas e socialas (ASSU).

Finamiras

Cuntinuar la redacziun e publicaziun dal Dicziunari Rumantsch Grischun, il vocabulari naziunal da la lingua rumantscha.

Cuntinuar las collecziuns da material relevantas en vista a l’inventarisaziun e perscrutaziun dals dialects ed idioms rumantschs sco era da la cultura materiala rumantscha dal Grischun.

Manar in post da documentaziun en l’Institut dal DRG che stgaffescha las cundiziuns per dar infurmaziuns a bucca e per scrit en dumondas pertutgant dialects retorumantschs e cultura retorumantscha.

Cussegliar tar projects scientifics pertutgant lingua e cultura retorumantscha.