Cudeschs digitals (DC / DVD)

Publicaziuns

NOSSA FOTOTECA

Schlieusa e chavals a la fermada da posta a Vattiz(Fotografia: W. Derichsweiler)

La retscha «cudeschs digitals» metta a disposiziun sin DC u DVD publicaziuns rumantschas exaustas

L’idea da la retscha da publicaziuns digitalas, iniziada l’onn 2007, è quella da metter a disposiziun en furma digitala (format TIFF) stampats rumantschs ch’èn exausts u grevs da chattar. In’ulteriura finamira èsi da metter a disposiziun litteratura rumantscha en format da PDF («Volltext»). Quai permetta cunzunt a students, magisters e scienziads da lavurar a moda pli profunda cun ils texts. Fin uss èn cumparids ils suandants titels:

tom 1	Mia Fibla (sursilvan), da A. Caflisch, mess en sursilvan da S.M. Nay, illustrà da P. Arlen. Publicaziun da l’original 1932, digitalisaziun 2007. [TIFF].
tom 2	La Fibla (surmiran), da A. Caflisch, mess en surmiran da A. Steier, illustrà da P. Arlen. Publicaziun da l’original 1932, digitalisaziun 2009. [TIFF].
tom 3	La Tabletta (vallader), da A. Caflisch, illustrà da P. Arlen. Publicaziun da l’original 1932, digitalisaziun 2009. [TIFF].
tom 4	La Tevletta (puter), da A. Caflisch, illustrà da P. Arlen. Publicaziun da l’original 1932, digitalisaziun 2009. [TIFF].
tom 5	Fibla Romontscha (sursilvan), da S. Loringett, illustrà da G. Giacometti. Publicaziun da l’original 1921, digitalisaziun 2011. [TIFF].
tom 6	Destins e cunfins, Ovras cumpletas 1–14 da Gion Deplazes. Publicaziun dals originals 1994–2009, digitalisaziun 2009. [PDF].