Institut

NOSSA FOTOTECA

Las lavunzas da Ftan Pitschen a la lavur(Fotografia: Collecziun DRG)

Finanziaziun

L’Institut dal DRG vegn finanzià da la Confederaziun e dal Chantun

La Confederaziun ed il chantun Grischun han da l’entschatta ennà sustegnì l’Institut dal DRG cun contribuziuns annualas, ils onns 1975 fin 1995 cun daners dal Fond naziunal svizzer per la retschertga scientifica (FNS). Quai è sa midà il 1. da schaner 1996.

Il FNS ha surdà a l’Academia svizra da scienzas umanas e socialas (ASSUS) l’incumbensa da sustegnair finanzialmain ils quatter vocabularis naziunals svizzers. La gronda part dal sustegn finanzial è adina vegnida da Berna. Actualmain vegn il manaschi dal DRG subvenziunà per ca. 87% da la Confederaziun, ca. 9% dals custs cuvra la contribuziun chantunala ed ils ca. 4% che restan vegnan recaltgads cun vender agens products (DRG, ulteriuras publicaziuns, fotografias, DVDs euv.).