Ils 22 da zercladur ha noss redactur Michele Luigi Badilatti absolvì cun excellent success la defensiun da sia dissertaziun a l’Universitad da Friburg. La lavur da doctorat, fatga tar prof. dr. Matthias Grünert, ha il titel «Von Lumbrein über Paris nach Mauritius: Gion Casper Collenbergs Viadi en l’Isla de Fronscha (1765/66). Kritische Edition, deutsche Übersetzung und sprachwissenschaftliche Analyse». Igl è la publicaziun d’in manuscrit dal chombrer numnà, oriund da Lumbrein ed emigrà en Frantscha, che ha accumpagnà ses patrun sin in viadi en l’anteriura colonia franzosa Île de France. Nus gratulain cordialmain a noss redactur!