Ils 11 ed ils 12 da settember 2023 ha gì lieu il 18avel Atelier DÉRom (Dictionnaire Étymologique Roman) a Nancy (laboratoire ATILF, CNRS; Université de Lorraine). Cun questa chaschun è ina trentina da romanistas e romanists da la Frantscha, Germania, Belgia, Rumenia, Spagna, dal Portugal, da l’Italia, l’America e da la Svizra s’inscuntrada a Nancy per lavurar vi dal DÉRom e per discutar differents artitgels en lavur.

Er il chauredactur dal DRG Ursin Lutz ha prendì part a quest inscunter da lavur, profitond da prender a chasa numerus impuls scientifics e dad etablir prezius contacts persunals. El è era gist vegnì elegì en la squadra dal DÉRom, numnadamain sco revisur da las parts rumantschas entaifer ils artitgels dal DÉRom.

Dapli dal DÉRom