Sonda, ils 20 da fanadur a las 12:45, preschenta il professer emerità Georges Darms a Samedan il pli vegl teater rumantsch che è vegnì preschentà il 1534 a Zuoz: «La histoargia da Joseph».

L’onn passà è cumparì en la retscha da la Romanica Rætica il titel «Gian Travers: La histoargia da Joseph» – in’ediziun commentada da Georges Darms tenor ils manuscrits da l’emprim teater rumantsch, preschentà il 1534 a Zuoz. En la Chesa Planta vegn Georges Darms a dar in’invista en sia lavur da retschertga e d’ediziun, suenter in’introducziun dal linguist e redactur dal DRG Michele Luigi Badilatti.

Il referat ha lieu en il rom dal di da cultura «Favella bella» da la Chesa Planta a Samedan. Dapli dal program qua.