Gievgia, ils 19 da matg 2022 ha lieu a las 19.45 en la sala 2 da l’Hotel Chur a Cuira il referat da dr. Michele Luigi Badilatti cun il titel «Gion Casper Collenberg e ses Viadi en l’Isla de Fronscha (1765/66)». Michele L. Badilatti, dapi l’onn 2014 tar il DRG e dapi 2018 redactur da quel, preschenta il tema da sia dissertaziun ch’è bainprest pronta per la stampa. Collenberg era oriund da Lumbrein, ha dentant passentà la gronda part da sia vita en Frantscha. Nus accumpagnain Collenberg en l’anteriura colonia franzosa Île de France, ozendi numnada Mauritius. Igl è in viadi sur mar plain privels ed inscunters cun fenomens nunenconuschents. Il referat suonda a la radunanza generala da la Societad Retorumantscha (SRR). El è public ed era betg commembers e commembras da la SRR èn envidads/envidadas cordialmain.