Sonda, ils 14 da settember a las 14.00, preschenta Viola Cadruvi en in discurs cun la lectora Nadina Derungs sia dissertaziun en il Hotel Stern a Cuira. En quella dissertaziun è l’autura s’occupada cun l’analisa da figuras femininas litteraras: la virgina, la femme fatale e la mamma. Las figuras èn dentant pli diversas che quai ch’ins pudess pensar. Pir lur percepziun pussibilitescha ina chapientscha cumplessiva da las ideas socialas represchentadas en la litteratura rumantscha.

La dissertaziun da Viola Cadruvi «Guarda tge schubanza, mettain in’emanza!» cumpara sco tom 26 da la retscha scientifica Romanica Rætica, edida da la Societad Retorumantscha.

La vernissascha è publica e ha lieu suenter la radunanza generala da l’Uniun per la Litteratura Rumantscha, la quala offrescha era l’aperitiv suenter la vernissascha.

Il cudesch pon ins lura cumprar directamain per 48 CHF al lieu ubain en nossa butia online.